Акафист Святой мученице Татиане

06.07.2014  |  Добавил: Admin

 

После «Бог Господь» поем:   Агнцу Пречистому и Пастырю последуя, /Агнице словесная Та-тиано, /мысленных зверей не убоялася еси, /но знамением крест-ным вооружившися, /до конца тех низложила еси /и вошла еси в небесную ограду, /идеже помяни и нас, мученице Христова мно-гомудрая.  Слава Отцу и Сыну и Святому Духу.   Светло во страдании твоем возсияла еси страстотерпице, /от кровей твоих преиспещрена, /и яко красная голубица /к небеси возлетела, еси, Татиано. /Темже моли присно за чтущих тя.   И ныне и присно и во веки веков. Аминь.

Кондак 1    Избра́нней невесте Христа, Вседержи́теля всея́ твари,/ похва́льная пе́ния воспису́ем ти, /чистоту жития́ твоего де́вственнаго восхваля́юще и лобыза́юще честна́я страдания твоя. /Ты же ныне лику́я в черто́зе Небеснем Твоего Жениха Христа, /поминай нас, прославля́ющих тя пе́нии си́ми, да зове́м ти: /Радуйся, благоуха́нный цве́те де́вства, славная му́ченице Татиано. Икос 1 Ангелов Творец избра́ тя от древняго Рима, да песнопое́ши житие́м твоим святое имя Божие, от лет де́тства твоего воспита́на бысть во стра́се Бо́жии и доброде́телех, сего ради  да зовем ти:

Радуйся, ю́нице сладкоблагоуха́нная; Радуйся, чистое Духа Свята́го обита́лище. Радуйся, Божественное Писание возлюби́вшая; Радуйся, благоче́стие в себе впита́вшая. Радуйся, Богобоя́зненному родителю внима́вшая; Радуйся, от него се́мена веры прия́вшая. Радуйся, в стра́се Божии воспита́нная; Радуйся, па́че всех благ вечная возлюби́вшая. Радуйся, благоуха́нный цве́те де́вства, славная мученице Татиано.

Кондак 2 Ви́дяще Богобоя́зненный родитель твой житие́ твое, всечестна́я, наслади́ся я́же в тебе дарова́ний Боже́ственных, па́че бо зна́тности своея́ и власти ко́нсульския любля́ше Христа, на всяк день хвалу́ Ему поя́: Аллилуия.

Икос 2 Ра́зум Небесный дарова́ся тебе, святая мученице Татиано, егда́ дости́гла еси юности твоея́. Восхоте́ла еси́ тогда житие́ твое про-води́ти в де́встве и целому́дрии. Христос Бог ви́де твое до́брое изволе́ние, укрепи́ тя в сих доброде́телех и по сконча́нии земна́го жития́ твоего прият тя в Небе́сная селе́ния. Сего ради приими́ от нас пе́ния  сия́:

Радуйся, пти́це, паря́щая в Небеса́; Радуйся, яко де́вство и целому́дрие бы́ста твои кри́ле. Радуйся, Бога предпоче́тшая миру; Радуйся, ю́ность свою Христу посвяти́вшая. Радуйся, ла́стовице Боже́ственнаго орла́; Радуйся, ле́ствице Боже́ственнаго са́да. Радуйся, ко Еди́ному то́кмо  Христу любо́вию пламене́ющая; Радуйся, служи́вшая Ему день и нощь. Радуйся, благоуха́нный цве́те де́вства, славная мученице Татиано.

Кондак 3 Сила Боже́ственныя любве́ твоея́ соде́ла тя служи́тельницу Христу, бысть бо избра́на и поста́влена на славное служение диа-кони́сс, и отто́ле служа́щи Церкви Божией, в радости ве́лией воз-глаша́ше непреста́нно: Аллилуия.

Икос 3 Иму́щи ре́вность о Церкви Божией, в но́вем зва́нии диакони́ссы подвиза́лася еси́, святая мученице Татиано, труды и подвиги усугубля́ющи и,  подо́бне безтеле́сным Ангелом, служа́щи ближним во Христе.  Мы же, отягче́ннии грехми́, си́це глаголем ти:

Радуйся, молитвою услажда́вшая житие́ твое; Радуйся, в зва́нии диакони́ссы  послужи́вшая. Радуйся, в темни́цех узников посещавшая; Радуйся, раны и язвы им врачевавшая. Радуйся, ко Креще́нию жен приуготовля́вшая; Радуйся, благодати Крещения споспе́шнице. Радуйся, бедных и вдови́ц окормля́вшая; Радуйся, в беде и несчастии су́щим  отра́ду носящая. Радуйся, благоуха́нный цве́те де́вства, славная мученице Татиано.

Кондак 4 Буря злых напа́стей пости́же нечести́ваго царя Антони́на Гел-лиогаба́ла, тело бо его влеко́мо по граду, с поруга́нием вве́ржено бысть в ре́ку Тибр. Во́ини же возведо́ша на царство Римское Александра Севе́ра, в его же правле́ние ты, святая мученице Та-тиано, пострада́ла еси́ за Христа, поя́ Богу: Аллилуия. Икос 4 Слы́шаще и ви́дяще, яко млад есть царь Александр Севе́р, нечести́вии ко́нсулы притесня́ху христиан, злочести́вый же и зве-ронра́вный епа́рх Ульпиа́н, убийство христиан помышля́ше, име-ну́я их галиле́янами, повеле́ кла́нятися римским бого́м. Бысть бо тогда страх ве́лий и потече́, яко вода, кровь мучеников. Ты же, всеблагая Татиано, не убоя́лася еси стра́ха челове́ческаго. Сего́ ради мы с любовию восклица́ем ти:

Радуйся, заблужде́ние царя Александра Севе́ра посрами́вшая; Радуйся, поклоне́ние и́долом отве́ргшая. Радуйся, то́кмо еди́ному Христу послужи́вшая; Радуйся, и́долы яко сатану вмени́вшая. Радуйся, Ульпиа́новы угро́зы презре́вшая; Радуйся, сочета́нию со Христом себе приуготовля́вшая. Радуйся, правове́рия добрая цевни́це; Радуйся, страха сме́ртнаго низложи́тельнице. Радуйся, благоуха́нный цве́те де́вства, славная мученице Татиано.

Кондак 5 Боже́ственный свет осия́ житие́ твое, святая мученице Татиано, егда приспе́ время страданий твоих; и, облече́нная светом бо-жественным, ты вошла еси́ в горни́ло страда́ний и бы́ша ра́достны раны твоя́ сме́ртныя. Ангели Божии служа́ху тебе и восклица́ху непреста́нно Богу: Аллилуия. Икос 5 Ви́дя чи́стое житие́ твое, вожди́ язы́честии я́ша тя яко хри-стиа́нку и ведо́ша во язы́ческий храм на поклоне́ние. Ты же воз-несла́ еси́ моли́тву Христу Богу, и паде́ Аполло́н — бог язы́ческий, обвали́ся ка́пище и́дольское, и мно́зи идолопокло́нницы смерть прия́ша. Мы же, чту́ще силу молитвы твоея́, глаголем:

Радуйся, яко моли́твою твое́ю ка́пише и́дольское распаде́ся; Радуйся, тобо́ю бо идолопокло́нницы посрами́шася. Радуйся, си́лу моли́твы стяжа́вшая; Радуйся, моли́твою и́долы сокруши́вшая. Радуйся, тобо́ю бо научи́шася покланя́тися Еди́ному Богу; Радуйся, и́долу Аполло́на не поклони́вшаяся. Радуйся, из Аполло́на беса изгна́вшая; Радуйся, тень беса и рыда́ние диа́вольское показа́вшая. Радуйся, благоуха́нный цве́те де́вства, славная мученице Татиано.

Кондак 6 Пропове́дуют житие́ и по́двиги твоя́ ве́лию любовь твою ко Христу, святая мученице Татиано, молитвою бо и терпе́нием низ-ложи́ла еси́ и́дольское зломы́слие, посрами́ла еси́ мучи́телей, ког-тьми́ желе́зными терза́ющих тело твое, изнемого́ша бо мучи́тели и возопи́ша: «Те́рпим бо сами жесто́кое муче́ние за пра́ведницу сию́». Ты же воспева́ла еси́ Богу: Аллилуия. Икос 6 Возсия́ свет Христов в во́инех, му́чивших тя, святая мученице Татиано, егда́ сии́ уве́роваша в Истиннаго Бога и  возопи́ша ти: «Прости́ ны, служи́тельнице Истиннаго Бога, прости́, ибо несть на́шея во́ли на страда́ние твое». И от того́ часа́ бы́ша ча́да Божии. Мы же, восхваля́юще чудеса́ ми́лости Божия, зове́м: Радуйся, страда́нием твоим люди ко Христу возводя́щая; Радуйся, Ангелы охраня́емая. Радуйся, мучения твоя на мучителей перене́сшая; Радуйся, за мучителей моли́вшаяся. Радуйся, молитвою твое́ю им о́чи отве́рзшая; Радуйся, осмь воинов к вере и страда́ниям за Христа приве́дшая. Радуйся, светом Христовым их озари́вшая; Радуйся, в во́инство Небесное их приве́дшая. Радуйся, благоуха́нный цве́те де́вства, славная мученице Татиано.

Кондак 7 Хотя воврещи́ на поклоне́ние и́долом, ведо́ша тя, святая муче-нице Татиано, на суди́лище и муче́ниям преда́ша тя беззако́ннии язы́чницы, ты же по страда́нии яви́лася еси́ здравой и целой, лице́ же твое бысть све́тло и ра́достно, и стра́хом объя́т бысть судия́ нечести́вый, повеле́ па́ки и па́ки преда́ти тя горьким муче́нием; тя же охраня́ху Ангели, служи́тели Бога, пою́ще Ему: Аллилуия. Икос 7 Но́ваго чуда свиде́телие бы́ша твоя́ гони́тели, святая мученице Татиано, егда сосцы́ твоя́ уре́занныя источи́ша вместо кро́ви мле-ко́, и тело твое, обнаже́нное мучений ра́ди, и ноже́м секо́мое, ис-точи́ благоуха́ние Небесное. Тогда разъяри́ся нечести́вый мучи-тель и повеле́ крестообра́зно на земли распростре́ти тя и бити же́злы железными. Мы же, чудя́щеся страда́ниим твоим, рцем ти похвалы́ таковы́я:

Радуйся, Христу сораспя́тая, до́блественная; Радуйся, яко уре́занными сосцы́ воскорми́вшая со́нмы мученик за Христа. Радуйся, яко и ныне благоуха́еши моли́твою к Богу; Радуйся, яко тело твое́ источи́ благово́ние небесное. Радуйся, мучителей устраши́вшая и удиви́вшая; Радуйся, к изнеможе́нию их приве́дшая. Радуйся, цевни́це му́жества ве́ры; Радуйся, не оставля́ющая нас свое́ю по́мощию. Радуйся, благоуха́нный цве́те де́вства, славная мученице Татиано. Кондак 8 Странное чудо ви́дим в тебе, всеблаже́нная, ка́ко в темни́це но́щию моля́щися и воспева́ющи Христу хвалы́, сподо́бися оза-ре́ния Небеснаго Света и явле́ния Ангелов Божиих, ку́пно с тобою славосло́вящих Бога, ныне же и ты с ними в селе́ниих райских пое́ши Богу: Аллилуия.

Икос 8 Весь рачи́тель зло́бы бысть епа́рх, егда па́ки у́зре тя здра́ву и све́тлу, изве́дену из темни́цы на суди́лище, хотя ла́скою соблаз-ни́ти тя на поклоне́ние и́долом; ты же, ве́дящи силу молитвы хри-стиа́нския, в храм Диа́ны напра́ви но́зе твоя; устреми́ся же бес из боги́ни злочести́выя и возопи́: «Горе мне,горе! Ка́мо бегу, огнь бо снеда́ет мя». Сего́ ра́ди, победи́тельнице бесо́в, вопие́м ти ра-достно:

Радуйся, ле́сти епа́рха не вня́вшая; Радуйся, в храм Дианы воше́дшая. Радуйся, ка́пище Дианы разруши́вшая; Радуйся, молитвы вели́кий пла́меню. Радуйся, яко бе́сы прису́тствия твоего́ трепета́ху и бежа́ху; Радуйся, кре́стным зна́мением бесстра́шно себе осеня́вшая. Радуйся, в молитве о́чи к Небу возводи́вшая; Радуйся, благода́тную помощь от Бога испроси́вшая. Радуйся, благоуха́нный цве́те девства, славная мученице Татиано. Кондак 9 Все естество́ Ангельское удиви́ся силе молитвы твоея́, егда́ мно́жество неве́дящих Бога падо́ша и смертный страх прия́ша, опале́ннии молнии огнем, восхвали́ша Бога, ди́внаго во святых Своих, пе́снею: Аллилуия. Икос 9 Вети́и многоглаго́ливии не могут восхвали́ти тя по достоя́нию, славная мученице Христова Татиано, кто бо возмо́жет вели́чие страда́ний твоих изрещи́? Кто по́двиги твоя́ воспое́т досто́йно? То́кмо наде́яся на неизрече́нную милость твою, дерза́ем принести́ ти похвалы́ сия́:

Радуйся, проше́ния наша скоро Богу принося́щая; Радуйся, ми́лости от Бога нам ниспосыла́ющая. Радуйся, молитве усе́рдно нас науча́ющая; Радуйся, горьких муче́ний нас избавля́ющая. Радуйся, сладосте христиа́нских серде́ц; Радуйся, благоуха́нная ветве райская. Радуйся, черто́гов Отца Небеснаго жи́тельнице; Радуйся, Царствия Небеснаго насле́днице. Радуйся, благоуха́нный цве́те де́вства, славная мученице Татиано.

Кондак 10 Спаси́тельнаго твоего по́двига зря́ще тече́ние, святая мученице Татиано, восхваля́ем страда́ния твоя, ты бо претерпе́ла еси́ би-чева́ния, крестообра́зное  к полу́ пригвожде́ние, те́ла иссече́ние, сосце́в вырыва́ние, бие́ние и осмея́ние, в темнице заключе́ние и ина́я злострада́ния. Ныне же венце́м Царствия Небеснаго увен-ча́нная, со всеми святыми взыва́еши Богу: Аллилуия. Икос 10 Стена́ и адама́нт была еси́, святая мученица Татиано, егда́ на растерза́ние звере́м приведе́на бысть, лев бо у ног твоих ласка́шеся, и не растерза́ тя, но егда хотя́ху отъя́ти льва, а́бие разсвирепе́ и разтерза́ сано́вника Евме́ния, указу́я силу христианскую. Сего́ ра́ди глаго́лем ти со трепетом:

Радуйся, звере́й в а́гнцев претворя́ющая; Радуйся, моли́твою их умягча́ющая. Радуйся, за смерть Евме́ниеву му́чимая; Радуйся, на древе подвешенная. Радуйся, желе́зными когтьми́ струже́нная; Радуйся, в волхвова́нии оклевета́нная. Радуйся, клеветы́ нас избавля́ющая; Радуйся, от зла́го волхвова́ния нас сохраня́ющая. Радуйся, благоуха́нный цве́те де́вства, славная мученице Татиано.

Кондак 11 Пение непреста́нное вознося́ ко Го́споду, была еси́ вмести́лище си́лы и славы Божия. Сего́ ради мо́лим тя: умоли́ Господа о нас грешных, святая мученице Татиано, да ниспошле́т и нам чудеса́ милости Своея́, Мы же, благодаряще Бога, поем ти: Аллилуия. Икос 11 Светопода́тельная свеща́ бысть во страда́нии твоем, святая мученице Татиано, озаря́я светом Небесным сердца́ язы́ческия, да обря́щут тобо́ю Истиннаго Бога, и да водворя́тся  ду́ши их в се-ле́ниих райских. Сего́ ради со умиле́нием восклица́ем ти: Радуйся, носи́тельнице све́та благода́тнаго; Радуйся, свети́ло лежа́вших во зле. Радуйся, ты бо нас светом Небесным озаря́еши; Радуйся, ты бо нас к блаже́нству веде́ши. Радуйся, низложи́вшая ка́пище Зевса; Радуйся, власо́в от мучителей лиши́вшаяся. Радуйся, носи́тельнице Благодати, ю́же язы́чницы ча́ры мы́сляху; Радуйся, по остриже́нии власо́в чудотворя́щая силою Христовою. Радуйся, благоуха́нный цве́те де́вства, славная мученице Татиано.

Кондак 12 Благодать от Бога получи́вши, святая мученице Татиано,  к смертному ча́су пришла́ еси́, егда бысть в ка́пище Зевса заключе́на, и поутру́, егда приидо́ша язы́честии жрецы́, ви́девше Зевса пове́ржена, а тя лику́ющу, па́ки ведо́ша тя на суди́ще, и бысть смерть твоя от усече́ния ме́чнаго. Ты же, славная мученице, го-то́вящися к селе́ниям Небесным, взыва́ла еси́ Богу: Аллилуия.

Икос 12 Пою́ще мученическую твою кончину за Христа чрез усече́ние ме́чное, святая мученице Татиано, восхваляем отше́ствие твое в вожделе́нное отечество Небесное, иде́же ныне ты лику́еши со Ангелы и всеми святыми во славе невече́рней. Сего́ ради приими́ от нас похвалы́ сия́:  

  Радуйся, ме́чное усече́ние за Христа прия́вшая; Радуйся, с роди́телем твоим пострада́вшая. Радуйся, со Христом сочета́вшаяся; Радуйся, со Апостолы лику́ющая. Радуйся, му́ченическою твое́ю кончи́ною Христа просла́вившая; Радуйся, со святыми му́ченики хвалу́ Богу вознося́щая. Радуйся, сердца́ наши зажига́ющая Божественным огнем; Радуйся, спаси́тельным доброде́телем нас науча́ющая. Радуйся, благоуха́нный цве́те де́вства, славная мученице Татиано.

  Этот кондак читает священник трижды: Кондак 13 О, всесла́вная и великоимени́тая мученице Христова Татиано! Де́вства и чистоты́ сосу́де златы́й! Ныне ми́лостивно при́зри на моля́щияся ти, и приле́жно прося́щия твоего моли́твеннаго у Бога предста́тельства. Да́руй нам чистоту́ души и тела.  Изба́ви нас вечных мучений, да вы́ну Го́сподеви зове́м: Аллилуия.   Вновь поются первые икос и кондак:

 Икос 1 Ангелов Творец избра́ тя от древняго Рима, да песнопое́ши житие́м твоим святое имя Божие, от лет де́тства твоего воспита́на бысть во стра́се Бо́жии и доброде́телех, сего ради  да зовем ти:

Радуйся, ю́нице сладкоблагоуха́нная; Радуйся, чистое Духа Свята́го обита́лище. Радуйся, Божественное Писание возлюби́вшая; Радуйся, благоче́стие в себе впита́вшая. Радуйся, Богобоя́зненному родителю внима́вшая; Радуйся, от него се́мена веры прия́вшая. Радуйся, в стра́се Божии воспита́нная; Радуйся, па́че всех благ вечная возлюби́вшая. Радуйся, благоуха́нный цве́те де́вства, славная мученице Татиано.

Кондак 1    Избра́нней невесте Христа, Вседержи́теля всея́ твари,/ похва́льная пе́ния воспису́ем ти, /чистоту жития́ твоего де́вственнаго восхваля́юще и лобыза́юще честна́я страдания твоя. /Ты же ныне лику́я в черто́зе Небеснем Твоего Жениха Христа, /поминай нас, прославля́ющих тя пе́нии си́ми, да зове́м ти: /Радуйся, благоуха́нный цве́те де́вства, славная му́ченице Татиано.     Далее совершается молебное пение по чину. В конце читается молитва: 

Молитва: О святая мученице Татиано, неве́сто Сладча́йшаго Жениха твоего Христа, а́гнице А́гнца Боже́ственнаго! Голуби́це цело-му́дрия, благоуха́нное тело страда́ньми, я́ко оде́ждами ца́рскими оде́явшая, к лико́м Небесным сопричте́нная, лику́ющая ны́не во славе ве́чней, от лет ю́ности служи́тельнице Церкве Бо́жия, цело-му́дрие соблю́дшая и па́че всех благ Господа возлюби́вшая! Тебе мо́лимся и тебе про́сим: внемли́ проше́нием нашим серде́чным и не отверга́й моле́ний наших, да́руй нам чистоту́ души́ и те́ла, вдохни́  любовь к Боже́ственным и́стинам, наста́ви нас на путь доброде́телей и Ангельское охране́ние испроси́ нам у Бога. На́ша ра́ны и я́звы уврачу́й, ю́ность огради́, ста́рость безболе́зненну и безбе́дну да́руй, в сме́ртнем ча́се помози́, помина́й наша ско́рби и отра́ду да́руй, посети́ нас, су́щих в темни́це греха́, на покая́ние наста́ви ско́ро, возжзи́ пламень молитвы, не оста́ви нас си́рых, да сла́вяще страда́ния твоя, возсыла́ем хвалу́ Господу, ны́не и при́сно и во ве́ки веко́в. Аминь.     

Поем величание:  Величаем, величаем тя, страстотерпице Христова Татиано, и чтем честная страдания твоя, яже за Христа претерпела еси.

 

comments powered by Disqus